設計者的堅持

說真的, 做耳環唔難, 難就難在設計者嘅心思與細緻。

呢幾日一直有睇網上關於手作人嘅文章, 大部份都係講 「堅持」。 創業之路唔易行, 以前都試過開不同類形嘅網店, 賣衫呀, 賣袋呀, 等等….當然都唔成事 (哈哈 :P), 但從中吸收左不小開店嘅經驗。

相隔多年, 真係要多謝我嘅一位朋友, 佢叫我自學做首飾, 幫佢教工作坊又可以將我既作品放出來寄賣。由於我要經常係工作坊出現, 可以同唔同類形既客人溝通, 大家都好好人, 願意講佢地既意見比我知, 當中有讚有彈, 等我可以進步。

雖然依家做市集已經比人做到好欖, 當中不乏有淘寶貨, 已經不再是手作人既市集, 市集已經變成左一個買賣埸。手作市氣風氣雖然已經漸漸散去, 但一班有心有力嘅, 真係由自己親手做, 自己落手落腳去擺市集, 申請做寄賣, 自己開埋網店既設計者大有人在。呢D 都係要好花時間, 心思去做, 係要經過好多嘅心思熟慮先可以成就嘅事, 每一件作品都係嘔心瀝血 加 細心, 仲有最重要嘅 堅持 咁做出黎。希望大家真係懂得欣賞每位手作人嘅作品, 好好享受手作人背後嘅心思。