做手作人的苦與樂 😣😁
只係諗點擺設已經頭都爆 💥 成日都想keep 住比大家有新鮮感
我將全職以外既時間全情投入手作中
換來既係滿足感同自信心
認真⋯⋯搵既錢真係真係唔多 我成日都同人講只係當零用錢用 暫時黎講 要將手作轉全職 仍需一段長時間
錢 💰 對我黎講當然重要 但做手作既過程 創作既過程 先係最獨一無二既”收入”
文中最後 “勿忘初衷” – 手作人都要搵食 但敢於表達自己既創作與想法 是值得尊敬的。
各位手作人 大家一齊加油啦
BLOG
SIK1 回顧
做了一年多的時間, 回顧自己的創作及經營過程, 重新再釐定品牌方向及理念, 謝謝大家這一年多的支持, 期望將來會做得更好。😊
創立此品牌的意念, 是想將亞洲文化及現代單品帶入品牌設計中, 同時亦嘗試以古典美學與時尚美學結合從而帶出來的化學效果。
由於本身喜愛細緻的手工, 創作靈感多來至於亞洲工藝品的技術, 利用古時的手工藝術與現化的手工藝溶合創作出一系列的首飾, 希望能將古時美學用一種全新的方式一直流傳下去。
設計者的堅持
說真的, 做耳環唔難, 難就難在設計者嘅心思與細緻。
呢幾日一直有睇網上關於手作人嘅文章, 大部份都係講 「堅持」。 創業之路唔易行, 以前都試過開不同類形嘅網店, 賣衫呀, 賣袋呀, 等等….當然都唔成事 (哈哈 :P), 但從中吸收左不小開店嘅經驗。
相隔多年, 真係要多謝我嘅一位朋友, 佢叫我自學做首飾, 幫佢教工作坊又可以將我既作品放出來寄賣。由於我要經常係工作坊出現, 可以同唔同類形既客人溝通, 大家都好好人, 願意講佢地既意見比我知, 當中有讚有彈, 等我可以進步。
雖然依家做市集已經比人做到好欖, 當中不乏有淘寶貨, 已經不再是手作人既市集, 市集已經變成左一個買賣埸。手作市氣風氣雖然已經漸漸散去, 但一班有心有力嘅, 真係由自己親手做, 自己落手落腳去擺市集, 申請做寄賣, 自己開埋網店既設計者大有人在。呢D 都係要好花時間, 心思去做, 係要經過好多嘅心思熟慮先可以成就嘅事, 每一件作品都係嘔心瀝血 加 細心, 仲有最重要嘅 堅持 咁做出黎。希望大家真係懂得欣賞每位手作人嘅作品, 好好享受手作人背後嘅心思。
夏熱的流蘇耳環 鮮豔與浮誇的結合
夏日炎炎, 女孩們都會束起秀髮, 露出雪白的耳朵
依然大熱的流蘇耳環就可以派上用場了!
配合夏天的氣色, 利用較為鮮豔的顏色, 設計出一系列的流蘇耳環
讓名位美眉們, 繼續受到大家的注目!
Sik1 示範↓↓↓
Sik1 的開始
要講Sik1 嘅開始 其實都是想滿足於個人嘅設計慾 !!!
是咁的, 小女係讀時裝設計出身, 但從畢業後投身時裝設計行業成為一名FASHION DESIGNER
到後來因經濟不景 (金融風暴, 金融海嘯) 被迫炒魷 (唉…..) 毅然轉投做MERCHANDISER 再加上近來採購業逐漸變為夕陽行業, 真的有點令我心灰意冷…….
眼見時下嘅FAST FASHION, 差不多每個品牌都係你抄下我 我抄下你 , 邊個款銷量好就做多幾件差唔多款的, 出街見到嘅鋪頭件件衫都差唔多樣, 想買都買唔落手, 心想「時裝已死」
但小女唔死心, 想從另一個方向重新開始, 希望可以喚醒大家嘅「視覺觀感」, 睇多D 靚野人都開心D 架。 所以重新自學去做首飾, 將中,日,歐元素融入設計中, 用全新獨特嘅設計呈現大家眼前。
所以品牌理念很清晰, 就是堅持唯一, 獨特 及 原創性。 希望各位買到SIK1 首飾嘅客人們, 每個都是有自己嘅個性, 不是隨波逐流的一群人, 找到屬於自己嘅獨特氣質! ENJOY!
HONG KONG DESIGNER BRAND 